कलाकारले अर्थमन्त्रीसँग मागे बजेट र खोप

काठमाडाैं । नेपाल चलचित्र कलाकार संघले सरकारसँग चलचित्रकर्मीका लागि खोप र चलचित्र कलाकार संघको भवन निर्माणका लागि बजेटको माग गरेका छन् ।

शुक्रबार कलाकार संघको पदाधिकारी सहितको एक टोलीले नवनियुक्त अर्थमन्त्री जनार्दन शर्मालाई अर्थ मन्त्रालय सिंहदरबारमा भेट गर्दै सो माग गरेको हो । बधाई तथा शुभकामना दिने उदेश्यले मन्त्रालय पुगेको कलाकार टोलीले मन्त्री शर्मालाई कला क्षेत्रको विभिन्न विषयमा समेत जानकारी गराएका थिए ।

उक्त अवसरमा कलाकारको मागको बिषयमा आफू सकारात्मक रहेको र सक्दो सहयोग गर्ने मन्त्री शर्माले बताएका थिए ।

कलाकारको टोलीमा सदाबहार अभिनेता भुवन केसी, धिरेन शाक्य, निर्माता कलाकार गोविन्द शाही, कलाकार संघका अध्यक्ष रवीन्द्र खड्का, उपध्यक्ष तथा प्रवक्ता मोहन निरौला लगायतको सहभागिता रहेको थियो ।

प्रतिक्रिया दिनुहोस्